Menú

Contacto

Proxecto Engale

Se desexas contactar connosco pódelo facer eiquí:

engaleengale@yahoo.es

Inicio > O (curtametraxes)

O (curtametraxes)

	O agasallo Baseada na historia da canción The gift (O agasallo) de Lou Reed escribira, incluído no segundo disco de The Velvet Underground. "Traxicomedia" onde o destino xoga unha mala pasada ata chegar ao sub-realismo.
	O aniversario Conta unha historia usual de relación de parella, onde os ciumes, a desconfianza e as brigas se mesturan, mais nesta ocasión o final vai un pouco máis aló do que u podía agardar.
	O bacallau Quim Barreiros cantaba Quero cheirar teu bacalhau, un tema que ameniza dende a radio dun coche unha matanza delirante á beira dun camiño. Sangue a esgalla por unha manchea de euros.
	O burato Inocencio vive nunha vila galega sometida por un cacique. Unha noite, xogando unha partida ó tute con Damián, un dos subordinados do cacique; matao sen querer. Desesperado, pídelle axuda a Romualdo, un dos homes máis respetados e influíntes da vila; para desfacerse do cadáver no medio do monte.
	O cadaleito Un ladróns fanse pasar por uns homes que levan un cadaleito baleiro e pidenlle a uns ricos da vila que lles deixen quedar ali o susodito cadaleito porque estaba chovendo e podiase mollar.
	O camiño da Loureira Historia de amor, real, sucedida en Boiro, enfiada nas arterias do mundo tradicional galego: as congostras e corredoiras. Está visualmente contada cunha enorme delicadeza. Pero nas contidas palabras dos seus protagonistas ferve toda a emoción dos seres humanos.
	O camiño das estrelas: Galicia Documental que pode pasar por unha película de ficción, pois ten un fío argumental ou conductor dunha historia, dun fermoso conto que parte dunha alegoría, a personificación de dous territorios máxicos: a montaña e o mar; o lobishome e a serea.
	O cartaz Unha moza síntese acosada porque nas paredes da súa cidade apareceu unha chea de carteis coa súa imaxe onde se poide ler a palabra "Gústasme". Quen será?,..Que pretenderá?...
	O castelo dos Batallón O argumento deste filme está baseado nunha historia de amor na que os seus participantes están marcados polas súas tendencias suicidas.
	O cazador Un cazador e unha campesiña atópanse nun prado co peso dunha relación pasada nas súas costas. A construción da emoción, a elaboración dunha ficción: da palabra á imaxe. Hai tres partes ben diferenciadas.
	O cerco No medio dun clima de belicismo sen lindes, ainda hai un lugar onde se libra a máis fera das batallas: a psique do ser humano. Por riba da dor e da vontade, o cidadán 3398-MVB enfrontarase nesta historia claustrofóbica a unha verdade máis dura incluso: á súa real existencia sen outra alternativa que a da propia fuxida desesperada pero... cara onde?...
	O consello do compadre Inspirada nun vello conto popular, esta película conta a historia dun home egoista que non quere compartir o seu porco cos seus veciños, e acaba caendo na súa propia trampa.
	O coxo O fillo do Coxo vaino ver de cote para lle levar de comer. No sobrado séntese a presenza de alguén máis.
	O día que Ana deixou de ser Ana e segiu sendo Ana Despois dun episodio traumático para ela, Ana viaxa acompañada da súa inseparábel maleta e aluga un cuarto nunha pensión para tentar afacerse a el.
	O elixido Conta a historia de tres persoas encerradas nunha habitación trazan un mapa de confianzas e desconfiazas no que todo é posible e nada é o que parece. Quen será o elixido?
	O fulgor A vida moderna, con tantos medios técnicos que nos aportan información, pódenos illar e facer perder a comunicación entre todos nós.
	O gaiteiro toca Nunha fermosa tarde de primavera, unha persoa está a ler nun parque. Ao cabo dun pouco chega un gaiteiro que comeza a tocar. A paz do lugar verase interrompida e o lector non estará disposto a aturalo.
	O guión que habito Un guionista desacougado, en plena crise creativa, tenta rematar o guión que ten que entregar ao produtor. Será quen de facelo?.
	O herdeiro Un home adiñeirado morre deixando como herdeiro ao seu neto. Este terá que viaxar ao lugar do avó para descubrir as súas últimas vontades.
	O hospital Ollos, Manuel, Castro e Petos rouban un banco e na fuxida o último é ferido de gravidade. Daquela deciden parar nun hospital abandonado na procura de medicinas. O que eles non saben é que algo maligno aínda pervive no hospital.
	O inquilino Magda e Leo son dous universitarios do Campus de Ourense que comparten un pisiño vello e desvencellado de tres dormitorios. Como dous estudantes calquera teñen os seus problemas económicos inherentes que os impulsan de continuo a tentar alugar o terceiro dormitorio da vivenda,mais non é doado, nada doado. O cuarto prohibido non é axeitado para calquera.
	O labirinto ario Ao morrer Hitler en 1946, é soterrado na parroquia de Nogueira. Os seus lugartenentes, o doutor Manfred e Helmuth, reciben o apoio do Xeneralísimo Franco quen intercede diante da Marquesa de Tor a prol do advenimento dunha raza aria, o rexurdir do IV Reich.
	O lume tiña un prezo No verán do ano 2006 o monte galego ardía arreo en lumes prendidos por desalmados e interesados. Mais agora, o monte vai ter quen o protexa... E leva fouces.
	O máis rico (do cemiterio) Comedia negra que aborda un tema característico e moi representativo da idiosincrasia galega: a morte. A historia confronta esta realidade co “crime perfecto”, unhas das ideas que ten sido máis veces retratada na historia do cine.
	O marco Os marcos indican o sentido da propiedade e derivan en ocasións en fonte de disputas. Unha pequena historia localizada no mundo rural galego.
	O matachín Dous camellos de pouca monta, Fran e Tuto, van ao aeroporto a buscar a Lola, a moza de Fran. Lola chega de Venezuela portando cocaína no estómago. Cando parece que todo saiu ben, ela comeza a atoparse mal e morre de súpeto.
	O meu crime perfecto Un home desencantado co seu matrimonio e canso das humillacións da súa muller, só pensa de xeito obsesivo en como matala.
	O morgado tivo un prezo O litixio pola herdanza dunhas terras crea un problema entre familiares. Coa peza preténdese mesturar temas do rural galego profundo coa estética dos filmes de Sergio Leone.
	Ondada Unha persoa garda na súa vellez o que lle regalou un cineasta cando de pequeno viu o mar por primeira vez. Eses recordos son o que lle permiten seguir vivindo.
	O noveno principio Alemaña, 20 de Xullo de 1944. Nesta curta relatase a verdadeira historia despois do atentado contra Adolf Hitler.
	O pai de Migueliño Miguel é un emigrante galego que viaxa nun tren mentres lembra a súa infancia. Cando era neno esperaba que seu pai, que viña da emigración americana viñera cheo de cartos e fartura. En realidade veu peor que cando marchara.
	O pano de cores O pano de cores narra a fermosa historia de amor dunha parella na que un deles anos máis tarde padece Alzheimer. Con ela preténdese axudar a concienciar e sensibilizar sobre esta enfermidade.
	O paquete Este filme está ambientado na fronteira entre Portugal e España nos anos 70. Todos os días un rapaz (Suso López) cruza o control da Garda Civil transportando un paquete misterioso nunha bicicleta.
	O peregrino Un peregrino está a facer o Camiño de Santiago para poder esquecer a recente ruptura sentimental coa súa moza. Coñece a unha rapaza que semella que lle gusta pero algo vai pasar...
	Ophiusa Peza de vídeoarte. O azar da natureza, un cruce entre unha experiencia de arte aleatoria e un experimento biolóxico. A música do vento percute no carillón de Madeira pendurado das ponlas dun Carballo maxestoso situado nunha chaira perdida. Aí está o resultado.
	O piloto Blanca e Héctor conviven encerrados nun apartamento. Non son parella, nin tampouco amigos; semellan ser descoñecidos. Aparentemente trátase dun experimento científico sobre os trastornos obsesivo compulsivos. Baixo a atenta mirada de dous médicos, Héctor realiza unha terapia de choque contra a obsesión de linearidade (orden lineal) que sofre Blanca.
	O proceso de Artaud Videocreación onde se empregan as imaxes de "A paixón de Xoana de Arco" de C. T. Dreyer (1927) para darlles un novo significado, a través das memorias de Antonin Artaud, arredor da expulsión deste da Internacional Surrealista.
	O quinto cravo O tema principal deste filme é a violación dunha menor. Dous únicos personaxes: a adolescente e o violador, unha rapaza duns dezasete anos e un home de trinta, que é tamén o narrador da historia. Unha historia dramática onde el escribe todo o acontecido no seu blogue.
	O rebelde Historia na que se recrea o alzamento de Pascua en Irlanda de 1916, que se considera o punto de partida da independencia do país. Con Patrick Henry Pearse, líder dos rebeldes como eixe, o proxecto quere amosar a parte máis humana deste proceso.
	O regato As veces un non quere ver ou ouvir o que non lle gusta. Que pasa pola mente dunha nai cando os seus fillos deciden marchar e abandonala?.
	O río ten mans 1997. Unha pequena vila ao carón dun río atravesado por unha ponte; un camiño de ferro sobre un río de auga. Xinés ten seis anos e un irmán Manuel de vinte, pero atrasado, un neno grande: son os fillos do enterrador. A súa nai marchou da vila unha vez no tren pola ponte de ferro e Samuel garda como un tesouro as memoria do tacto das súas mans.
	O show de ... Mario, garda de seguridade nun concesionario, vive unha crise matrimonial. A súa muller e o fillo son afeccionados a un programa de TV lixo e un día, cando parece que a parella toca á súa fin, resultan convidados ao show.
	Os lobos Catro fidalgos van cazar á Serra do Courel, mais fican illados pola neve e pasan as noites na torre en que se aloxan contando contos á luz do candil. Un dos contos fala de lobos que atacan a homes sós que se adentran nos camiños do monte.
	O sótano A desaparición dun segundo bebé na cidade de Lugo sen deixar rastro, convértese no gran caso da curta vida laboral de Laura, unha axente de policía en prácticas e da súa compañeira de traballo, Isa, unha policía déspota e de volta de todo no mundo do crime.
	Os paxaros morren no aire Unha rapaza pretende facer unha ponte entre dous montes, pensando que será unha vantaxe para o seu pobo. Na busca de axuda atoparase con Castelao e Basilio Álvarez.
	Os "pioghosos" Dous esmoleiros, Rufino e Cromo, tentan sobrevivir coa axuda dos transeúntes da rúa. No seu afán por mellorar, estes dous bos homes atópanse cunha inesperada inimiga, a insensíbel muller que rexenta o restaurante do rueiro.
	Os vellos non deben de namorarse (lance III) Adaptación do lance terceiro da obra homónima de Castelao. Trata sobre unha moza que a queren casar cun vello por interese, para que toda a familia esté ben, mais ela está namorado dun mozo da súa idade.
	O teléfono Un teatro, un espectador, un teléfono. Unha pesoa lendo o xornal sentado nun sofá, outra senta ao seu carón e comeza a beber. O teléfono empeza a soar e ...Será certo o que di o seu autor? Que este video é aburrido, infumable e incluso sen sentido?.
	O tendal Algo pasa no mundo, estanse a producir desaparicións sen moita lóxica nos tendais da xente. Estraños sucesos...
	O tesouro Visións ou soños onde aparecen estraños personaxes, tendo como elemento común a busca do tesouro e a forma violenta de tratar a morte coma no caso presente, no que os celos levan á morte ao amante e anos despois ao seu descendente no mesmo lugar.
	O Tesouro da Ferreña Unha nena está a pasar uns días cos seus avós.Pola tarde dall o sol na cabeza e isto semella ser a causa pola cal anena mestura o mundo real co mundo da fantasía. Pola noite, lendo un libro de cor azul, coñecerá a historia duns personaxes de conto que tratan de liberarse dun meigallo para poder asistir á foliada da comarca. Unhas mozas de cor azul axudaranos.
	O tiro non vai ben Fronte a unha lareira, un home conta como as crías dunha porca brava fuxen cheas de medo despois de ver a súa nai morta por disparos. O tito non vai ben.
	O trasto Un ancián pasa o día diante do televisor que o seu fillo e a súa nora lle puxeron diante. O avó non é para eles máis que un trasto, ó igual que a televisión que tanto odia pero que é forzado a ver. O punto álxido da historia acontece o día que o Deportivo da Coruña gaña a liga.
	O xogo Un mozo e unha moza fronte a fronte, nun xogo onde o que saia derrotado ten que perder algo máis que un puño de euros.
	O xogo da guerra Rafael vese na obriga de matar a un compañeiro de xogos para ser aceptado no grupo. Foi detido e encerrado no reformatorio. Alí ten como único divertimento xogar á guerra, caza moscas e afógaas na pileta. Durante este tempo, planea a súa vinganza contra O Rata, o líder do antigo grupo.