Miniserie de dous capítulos que ten como punto de partida o inesperado roubo do Códice Calixtino. Un suceso que tivo repercusión internacional. A narración dos feitos abórdase dende catro puntos de vista: o da igrexa, o do equipo de investigación, o dun grupo de xornalista e, por suposto, o de Manolo (interpretado por Miguel de Lira) o autor do roubo.

Marina Velasco, tenaz e experimentada inspectora da Policía Nacional, acode desde Madrid para ocuparse do caso do roubo do Códice Calixtino. Pese a que conta coa axuda das forzas locais (o implacable Xuíz Casal e o seu equipo) a misión non é nada doada. Será unha carreira contra o reloxo chea de obstáculos e marcada polas presións do Goberno e da Igrexa. Ao mesmo tempo, Natalia e Lázaro, dous xornalistas dun diario local en crise, ven na investigación do roubo a oportunidade de conseguir unha interesante exclusiva que salve os seus postos de traballo.