Curtametraxe baseada nun relato co mesmo título de "Males de cabeza", de Fran Alonso. A película, que logrou o Sacho de Ouro á mellor curta no Festival Curtello 2011, está dirixida por José Araújo e protagonizada por Toni Salgado e María Roja,

O Lobo vive só nos bosques. Hai tempo que non ten unha manda coa que estar, e considera que xa é o momento de compartir a súa vida con alguén. Un día coñece a Carapuchiña, unha fermosa rapaza filla dun rico terratenente. Fan moi bo caldo, e comezan a pasar moito tempo xuntos. O que semellaba unha relación soñada, vaise converter para o Lobo nun pesadelo cunhas consecuencias fatais.