Curtametraxe dirixida por Roque Cameselle, estreada en 2001 e gravada en Betacam.

Enrique Fouce é un soldado que loitou co exército nacional na Guerra Civil Española. En abril de 1939 regresa á súa vila natal na procura da súa muller, detida a carón do seu pai, e do seu fillo, acabado de nacer.Logo de preguntar a Amancio Landín, xefe local da Falange, é informado de que a súa muller morreu tirada no mar, en Oia, logo de ser vexada e violada. Enrique é enviado ó cárcere.