Longametraxe realizada pola produtora galega Ficción Producciones, co-escrita e dirixida por Álex Sampayo, e protagonozada por Luis Zahera, Candela Peña e a nena de orixe polaca Sandra Mokrycka. Todo o equipo técnico do filme está formado por profesionais galegos, A historia transcorre entre Galicia, Hungría e Romanía. Rodouse en diversas zonas rurais do Corgo (Lugo) e en Hungría.

Luis e Elvira viaxan a Rumanía despois de contactar cunha organización criminal de Europa do Este. Cerca do seu destino reciben unha chamada que os obriga a cambiar de ruta. Para continuar co plan, deben de deterse en Budapest a facer unha recollida. Todo parece sinxelo ata que descobren que se trata dunha nena de oito anos. A partir deste momento, terán que tomar a decisión máis difícil das súas vidas. Seguir adiante ou deixar libre á pequena. Decidan o que decidan, alguén morrerá.