Pota e Verza son dous pallasos que traballan nunha cociña-laboratorio malia que non se dan moito xeito nin como cociñeiros nin como científicos. Tanto se lles dá por facer unha grellada nun escáner, meter un xeado nun microondas ou botar maionesa pola cara coma se fose crema de beleza. Aínda así, amañaranse para mostrar unha presa de datos interesantes sobre os alimentos.

Estes dous profesores (mofa e befa) están acompañados polo Señor Lobo, un boneco de trapo que eles manexan, e o Robot de Cociña, unha especie de batedor industrial que provocará numerosos accidentes.