Documental galego recuperado en Montevideo.. A conselleira de Cultura e Deporte recolleu durante a súa visita a Uruguai unha xoia na Cinemateca Uruguaia de Montevideo. Trátase de "Tranvías de La Coruña", o máis antigo documental galego que se conserva, que está datado en 1926, cunha duración de 16 minutos e ten orixes descoñecidas polo momento. É un exemplo máis do chamado “cinema de correspondencia”, que é un curioso subxénero de documental insólito no panorama cinematográfico mundial.