Serie documental sobre a historia do sindicalismo galego en seis capítulos de 26 minutos cada un.É unha produción de Ibisa Televisión S. L., co apoio do Sindicato Nacional de CCOO de Galicia, UGT-Galicia, Consellaría de Cultura da Xunta de Galicia, Universidade de Santiago de Compostela e Televisión de Galicia.

A historia dos homes e mulleres das fábricas, do campo e do mar é a columna vertebral dun país. Durante moitos anos, a vida e os acontecementos que debuxan a traxectoria da clase obreira galega estiveron sometidos ao silencio da cultura oficial e de moitos historiadores. O Sal da Terra é unha reivindicación da súa dignidade e do sentido solidario dos seus actos.