Este título fai parte do proxecto Memorias de vida en vivo da Comisión de Igualdade do Consello da Cultura Galega, unha produción que se levou a cabo coa colaboración da Asociación Veciñal Minas da Brea.

A Brea era en 1939 unha das grandes minas mundiais de volframio. Aliados e alemáns disputábanse o mineral, estratéxico para o armamento da II Guerra Mundial, provocando unha febre mineira que ocupou miles de homes e mulleres. Estas tiñan vetado o labor nas galerias e na fábrica mais participaban no lavado e separación do mineral. Moitas estiveron en concesións independentes e nas redes de estraperlo. Había na mina tamén numerosos presos, represaliados do réxime franquista, e mesmo guerrilleiros operando na zona. O poboado mineiro do Fontao constuiríase despois, nos 1950.