Curtametraxe de ficción rodada en 16 mm no 1957 e no 1958. Foi escrita e dirixida por Rogelio Amigo e producida polos irmáns Docampo. Este filme amateur de corte social é unha obra pouco coñecida da cinematografía galega. A presión da censura do réxime franquista foi tal que os irmáns Docampo, donos dunha tenda de electrónica da Coruña , decidiron agochar a fita nun rocho, lugar no que permaneceu esquecida ata hai un ano, cando Lili Films a rescatou do ostracismo.

Exemplo insólito de neorrealismo galego afeccionado, un duro melodrama que narra as vivencias de Juan, un obreiro que morre nun aparente accidente laboral cuxas orixes levan aos comezos de da Guerra Civil española. Amosa un país sen liberdades, de picaresca, de explotación e de fame da posguerra, a través da historia dun obreiro da construción protagonizada por José María Pujalte, pai da actriz María Pujalte.