Curtametraxe de animación stop motion baseada na obra poética de Eladio Rodríguez González, dirixida e animada por Virginia Curiá e Tomás Conde. 

Cansada dos poucos resultados do doutor a nai decide pedirlle a Meiga do Castro axuda para desenrevellar o seu esmirriado fillo. Uns pais labregos, un rapaz cun 'aire de defunto', unha bruxa cun peinado rockanroleiro e uns porcos máis listos do habitual son os protagonistas desta curta de animación con personaxes de plastilina. A Meiga do Castro é unha espabilada muller que axudará -previo pago dun porco- a curar a doenza do rapaz. Pero axiña se verá que as cousas non son o que parecen...