Filigrana que xoga na ambigua frontera do documento e a ficción, construida enteiramente co material de arquivo (traballo que lle valeu a Marcos Nine un Mestre Mateo á mellor montaxe), A viaxe de Leslie fala da vida diaria e da causa (especulada) da morte do actor británico e galán hollywoodense Leslie Howard. Unha trama que viaxa da espionaxe internacional aos segredos dunha personalidade peculiar para levarnos ao que fora a derradeira viaxe de Leslie que o trouxo, precisamente, a Galicia: o que comezou a bordo dun avión comercial que foi derribado, sen deixar supervivintes, por un escuadrón alemán fronte a costa de Cedeira durante a Segunda Guerra Mundial  (xuño de 1943). Unha posíbel (e emocionante) reescritura da historia cuxa tinta son as imaxes que a rutilante carreira de Howard, e o cinematógrafo, foi deixando ao seu paso na convulsa primeira metade do século XX.

	Titulo orixinal: A viaxe de Leslie Tipo: Documental Xénero: Histórico, biográfico Produción propia  Realizada a cor Duración: 75´ Orixe: Galicia Ano: 2014 Idioma V.O.: Galego, inglés, castelán Subtitulada: castelán               Emisión ou proxección: Festival Primavera do Cine en Vigo 2015 Produtora: Portocabo

FICHA ARTÍSTICA

Deseño gráfico: / Fran X. Rodríguez
Guión: / Pepe Coira / Daniela Arias / Marcos Nine
Documentación: / Daniela Arias / Manuel López-Benito
Produción: / Alfonso Blanco
Produción executiva: / Pepe Coira
Montaxe: / Marcos Nine
Xefatura de son: / Roi Gil

Director

Marcos Nine

Elenco de voces

Carolina Vázquez

IMAXES DO FILME

VER O TRAILER / ANACO